Променете го вашето модно секојдневие со плетени аксесоари

11 јули 2014

Аксесоарите во плетена техника изработени од кожа или дрво се популарни години наназад. Сигурно се сеќавате на ваквите винтиџ модели на чанти и летни сандали што ги носеле вашите мајки и баби, а вам и денес ви се допаѓаат посебно кога ги комбинираните во  бохо комбинации.

 

Во модата ништо не стои во место, па така и ваквите плетени аксесоари драстично еволуираа во префинети и шик додатоци кои станаа инстантно посакувани од многу љубителки на винтиџ ерата, но и на новиот дизајн.

 

Ралф Лорен, Марк Џејкобс и Мајкл Корс се само мал дел од големите модни имиња што ви сугерираат ова лето од вашиот изглед да вметнете токму вакви плетени додатоци. Освен во крем и карамел нијанси, сега  можете да ги сретнете и во други свежи бои, изгледаат неодоливо, а веруваме дека веднаш ќе ги посакате за деновите поминати на плажа и дневните кафе дружби низ град.

Објавено:
11 јули 2014
Категорија: 
Модни додатоци