Ријана, Паркер и Дан во хуманитарен проект на Фенди

Италијанската модна куќа  Фенди ќе организира хуманитарна аукција по повод отворањето на својот нов продажен салон во Њујорк, според информациите на онлајн магазинот Buro 24/7.

Во овој проект се  вклучени и неколку значајни светски имиња меѓу кои и: Ријана, Сара Џесика Паркер и  Џордан Дан, кои дизајнираа свои Фенди чанти кои ќе бидат продавани на хуманитарна аукција закажана за 13. Март. Средствата кои ќе бидат собрани за време на аукцијата, ќе бидат донирани во хуманитарни цели на места кои ќе ги посочат самите креаторки-гостинки во проектот.

Ријана креираше мини црна кожена чанта со кратка рачка, декорирана со првата буква од името на брендот во сиви тонови.

Во својата верзија за Фенди чанта, Сара Џесика Паркер направи интересен микс на бои, дезени и материјали. Комбинацијата од златна и светло виолетова боја изгледа привлечно и особено впечатливо, а во спојот на материјали користи сатен и кожа.

Топ моделот Џордан Дан не ја штедела својата креативност при дизајнирањето на својата Фенди-чанта. Основата е жолта, надополнета со зелена, а е порабена со црвена.