Блејк Лајвли се' поблиску до епитетот најстилска трудница

Појавувајќи се во креација на Мајкл Корс на црвениот ќилим на хуманитарната забава во Њујорк минатата недела, Блејк Лајвли покажа дека тоа што е бремена нема да и' го одземе епитетот модна икона.

Иако не се појавува премногу често во јавноста, секое нејзино појавување откако е бремена, предизвикува воодушевување кај љубителите на модата и нејзините обожаватели.

-Отсекогаш посакував да бидам мајка. Не знаев што сакам да работам кога ќе порасна, но знаев дека сакам да имам многу деца, бидејќи и самата доаѓам од големо семејство. Тоа отсекогаш било важно за мене. Не сум збунета или исплашена од мајчинството, одам и на вежби. Но, сум многу возбудена што конечно ќе се оствари таа моја желба - изјави актерката за „Пипл“.

Исто така, додаде стилот нема да трпи:

-Ќе го „надоградам“ мојот стил со парчиња што се растегаат. Таквиот материјал и парчињата изработени од него се супер, бидејќи можат во секое време да ме „соберат“.

Какви и да и' се модните трикови, успеваат, бидејќи Блејк и бремена изгледа беспрекорно.