Групата „Ју Ту“ донираше 10 милиони долари за здравствените работници во Ирска
•
10 април 2020
Познатата ирска група „Ју Ту“ донираше 10 милиони долари за помош во борбата против вирусот Ковид -19. Како пренесуваат тамошните медиуми, средствата ќе бидат искористени за поддршка на здравствените работници, како и за обезбедување соодветна заштитна опрема.
View this post on Instagram
Дел од опремата која ја финансира групата, на нивно барање, според јавувањата на ирската телевизија „Ер-Ти-И“, пристигнала неодамна на аеродромот во Даблин и веќе се користи.
На оваа великодушна донација од музичарите се огласи и ирскиот премиер, Лео Варадкар.
„Иако владата нарача опрема во количество кое во нормални услови би била доволна резерва за наредните 13 години, секоја помош од приватниот сектор и јавноста е добредојдена“, напиша тој на неговиот Твитер профил.
Ова не е првпат групата да биде дел од социјални активности, а нивниот гест секако е за секоја пофалба и поздрав.
Инаку, во Ирска досега бори преку 6.000 случаи позитивни на вирусот, а повеќе од 200 се починати.
