Мишел Обама е инспирација во три фантастични летни стајлинзи

26 јули 2019

Поранешната прва дама на САД, Мишел Обама речиси и да нема грешка кога се работи за стилските комбинации што секогаш совршено ги одбира.

Од неодамна, таа се појавува со нејзината природна виткана коса што ѝ прилега неодоливо, во летни стилски стајлинзи кои секогаш се инспирација за дамите.

Деновиве можевме да ја видиме во едноставен и лежерен бел фустан со должина до под колената, деколте и куси ракави, а таа одлично го комбинираше со кафени сандали на потпетица и впечатлива чанта.

Во овој стајлинг таа се појави во еден познат хотел во Трибека на хуманитарен настан и ручек со Сара Џесика Паркер, Оливија Мун, Лили Олдриџ и Џорџа Меј Џегер.

Подеднакво стилска беше и во комбинацијата во која се појави на настан во Ховард универзитетот во Вашингтон, составена од темно зелени широки панталони и маичка во иста нијанса, дополнета со колоритна наметка како одличен избор за летните вечери.

Дека ова лето нејзино омилено и се чини најудобно парче се широките панталони изработени од лежерен материјал докажа и со уште едно појавување во елитниот француски ресторан Le Bernardin, а истите тогаш ги усогласи со маичка со животински принт и златно – сребрени влечки.

Со овие три стајлинзи, таа по којзнае кој пат докажа дека е кралица на стилот и секогаш знае да ги одбере совршените парчиња за секоја пригода.

И секако, дека е модна инспирација за сите дами ширум светот.

Инфо и фото: Daily Mail

Објавено:
26 јули 2019
Категорија: 
Сцена
Прочитано:
833 пати