Младата струмичанка Славица Ангелова ја освои публиката и жирикомисијата на ,,Ѕвездите на Гранд” со импресивен настап

15 ноември 2022

Дваесетгодишната струмичанка Славица Ангелова ги освои членовите на жирито на балканското музичко шоу ,,Ѕвездите на Гранд" со своите одлични интерпретации на песните „Брод што тоне" од Тамара Тодевска и „Хајде мала доџи" од Парни Валјак.

Фото: screenshot

Таа ги доби сите можни гласови од жирито во првиот круг а за ментор го избра Џоле.
„Се двоумам меѓу Џоле и Марија. Тешко е многу, многу ми е тешко... Го избирам Џоле" – кажа Славица, а Ѓорѓе Давид (Џоле) не го криеше своето задоволство што таа го избра баш него за ментор.

Фото: screenshot

За приликата, младата пејачка беше стилизирана во црна свечена тоалета со потпис на ЕЛЕНА ЛУКА. Фустанот се карактеризира со едноставен и софистициран крај и набрана ткаенина која ја истакнува средината на предниот дел, доделка пак впечатливите аголни раменици помагаат да се истакне половината, креирајќи елегантна силуета која ѝ се додоворува на женската линија.

Фото: screenshot

Фустанот е збогатен со горен слој од тул кој нуди илузија на долги ракави и макси должина.

Славица Ангелова е студент по медицина а своевремено беше дел од шоуто ,,Некои нови клинци" на Гранд продукција.

Во рподолжение погледнете како изгледаше нејзиниот настап.

Објавено:
15 ноември 2022
Категорија: 
Сцена
Прочитано:
504 пати