Чиста елеганција – целосно бели комбинации

26 мај 2020

Елегантни парчиња облека во бела боја се инвестиција која секогаш ќе ви се исплати, затоа што за нив не постои сезона или тенденција – едноставно се комбинираат во сечиј стил независно од трендовите.

Затоа наместо импулсивно да купувате повеќе парчиња облека кои ќе ги облечете едвај неколку пати, вложете во квалитетно парче изработено од природни материјали. Ако на сето тоа додадете бела боја, добивате класика за која не постојат временски, сезонски или трендовски огранчувања.

Целосно белите комбинации оставаат впечаток на безрезервна елеганција, отменост и безвременост.
Ретроспективата на модните тенденции низ годините, секогаш ваквите комбнации ги забележува како непроменлива константа, која едиствено трпи трансформации во поглед на деталите, како на пример модните додатоци кои ја надополнуваат.

Оваа сезона вашиот целосно бел аутфит може да го освежите со минималистички накит во сребрена или златна варијанта, со плетени детали или со чевли во интензивни бои.

Неколку инспиративни примери во галеријата во продолжение.

Фото: Пинтерест

Објавено:
26 мај 2020
Категорија: 
Тренд
Прочитано:
3.832 пати