Есенва доминираат блузите со транспарентни пуфкасти ракави

11 септември 2019

Ако сезонава баравте блузичка или фустанче со кое ќе бидете впечатливи каде и да се појавите, тогаш денеска ќе ја пронајдете инспирацијата.

Девојките ширум Инстаграм веќе ја започнаа есенската сезона, а едно парче дефинитивно се провлекува низ најголем дел од нивните стајлинзи.

Станува збор за ултра романтичната и истовремено сексапилна блузичка со пуфкасти ракави, а доколку истите се изработени од органза, тогаш имате полн погодок.

Блузичката за кратко време стана огромен хит на социјалните мрежи, а девојките најчесто ја комбинираат со фармерки со висок струк во црна или светла варијанта, чизми или едноставни, бели патики.

Во посмирена варијанта, можете да ја носите и на работа, секако доколку нема деколте или пак не е премногу впечатлива.

Во спротивно, одберете ја за некоја свеченост каде сакате да изгледате ултра шик, секако, со фризура и шминка соодветна за комбинацијата.

Оваа блуза е еден од најголемите трендови за есенската сезона што доаѓа, па нема да биде проблем да ја пронајдете во било која продавница.

Најчесто, доаѓаат во прекрасни светли нијанси, но секако и неизбежната црна која ја обожаваме за сите пригоди повторно е присутна.

Стилизирајте ги со накит во златна нијанса, а доколку на кошулката има впечатлива панделка во пределот на јаката, оставете таа да говори во име на деталите.

Инфо: Miss 7

Фото: Miss 7, Instagram, Sarah Kunz

Објавено:
11 септември 2019
Категорија: 
Тренд
Прочитано:
398 пати