Инстаграм инспирација: Турската блогерка Нур Билен Јавузер има одлични идеи за зимски комбинации

27 јануари 2022

Таа важи за една од најсофистицираните турски модни блогерки. Нур Билен Јавузер е бизнис и модна дама која последниве неколку години направи успешна трансформација од светот на туризмот во светот на модата и го основаше козметичкиот бренд Beauty omelette.

Има фантастичен стил во кој доминира минимализмот, но секогаш потенциран со некој автентичен, индивидуален печат.

Со оглед на тоа дека е и деловна жена, многу умешно во нејзиниот имиџ се соединуваат женственоста и елеганцијата со урбани и свежи идеи за актуелните тенденции.

Оваа зима нејзиниот Инстаграм профил е обоен во топли, земјени тонови, а парчињата што најчесто ги комбинира во нејзините зимски стајлинзи се во лежерни и опуштени крови, но женственоста не е изоставена во ниту еден момент.

Доколку преферирате опуштена елеганција, на нејзиниот Инстаграм профил сигурно ќе најдете инспирација.

Фото: Инстаграм

 

Објавено:
27 јануари 2022
Категорија: 
Тренд
Прочитано:
2.089 пати