Тренд аларм: Пролет низ розови очила

3 април 2017

Оваа пролет ние ги обожаваме пастелните нијанси, а најмногу од сите, неодоливата и секогаш шармантна розова боја.

Денеска ви предлагаме еден токму таков, целосно розов стајлинг во неколку прекрасни варијации од оваа позитивна боја.

Задолжителни за сите девојки оваа сезона се класичните и стилски панталони кои му даваат елегантна доза на секој ваш стајлинг.

Пролетва ослободете се од сите темни нијанси и набавете си од овој модел панталони во слатка розова боја на која мора да ѝ дадете шанса.

Додека сѐ уште можете, панталоните комбинирајте ги со нежно тенко џемперче со ѕвонести ракави, совршено за ова време од годината.

Комбинацијата истакнете ја со уникатни и впечатливи чевли, во случајов фантастични сандали со интересни ремчиња кои совршено се надополнуваат со другите парчиња од комбинацијата.

Бидете шик девојка и одберете го ова неодоливо венче за на глава кое дополнително ќе го разубави вашиот изглед.

Стајлинг: Fashionel

Комбинација: Fashion Group

Панталони, џемпер, сандали: Mango

Венче: Parfois

Модел: Елена Србиноска

Модна агенција: Моделс Ин

Шминка: Елена Лука

Објавено:
3 април 2017
Категорија: 
Тренд
Прочитано:
679 пати