Тренд аларм: Женскиот костим е сè што ни треба за стилска недела

25 март 2019

Да ја почнеме работната недела супер стилски! Она што денеска ви го препорачуваме е женски костим во сива нијанса со кариран принт во комбинација со неодолива сина.

Панталоните се класични со висок струк и малку ѕвонести во долниот дел, додека палтото неверојатно тренди, а го обожаваме бидејќи можеме да го комбинираме со било што.

Овојпат, костимот решивме да го надополниме со едноставна кошула во небесно сина нијанса, а целиот стајлинг го заокруживме со портокалови чевли на висока потпетица.

Што се однесува до шминката и фризурата, истите се нежни и одлични за преку ден, а косата ја нагласивме со висока пунџа украсена со колоритна марама која е совршена за пролетните денови.

Бидете стилска дама и носете го овој костим на работа, за посебни пригоди, па дури и на некоја забава на која треба да изгледате елегантно.

Комбинација: Fashion Group Macedonia

Стајлинг: Fashionel.mk

Панталони, палто, кошула, чевли: Mango

Марама: Parfois

Модел: Мартина Давидовска

Модна агенција: Моделс Ин

Шминка и фризура: Елена Лука

Објавено:
25 март 2019
Категорија: 
Тренд
Прочитано:
654 пати