Фризури на нашите познати дами како пролетна инспирација

28 април 2021

Во пролет косата знае зачестено на паѓа, а и едноставно со будењето на целата природа, како да се буди и желбата за промена на изгледот.

Ако сте во потрага по инспирација за тоа како можете да ја стилизирате косата, ние пронајдовме неколку интересни предлози и тоа од наши познати дами.

Погледнете ги во продолжение:

Шишки + висока пунџа

 
 
 
View this post on Instagram

A post shared by MILENA (@milena_antovska)

 Шишките се апсолутен тренд кога е косата во прашање, а на Милена вака стилизирани одлично ѝ прилегаат. Во комбинација со висока бушава пунџа, доколку имате подолга коса, е супер пролетна варијанта. Ќе имате лежерна, а средена фризура, како да не сте се труделе премногу, а сепак сте во тренд!

 

Плетенки

 Ако сте спортски тип или едноставно сакате уредна фризура, „стегната“, тогаш плетенките се супер избор. Како тренд се провлекуваат веќе сезони наназад, а ништо поинаку нема да е ниту ова лето. Две странични како во случајот на Антониа Гигоска, или пак една позиционирана странично или централно, одберете сами според својот вкус.

 

Розеви прамени/розови нијанси

 Розовите нијанси на коса се едни од најпопуларните во моментов. Овој тренд беше актуелен и пред неколку години, а македонските познати дами не се плашат да го носат. Досега ги видовме и Тамара Тодевска, Антониа Гигоска, Туна... со ваква промена. Дани Димитровска носеше ваков стил уште во 2019 година, а сега повторно му се врати и тоа во форма на прамени, што одлично ѝ прилега.

 

Високо коњско опавче

 
 
 
View this post on Instagram

A post shared by (@victorialoba)

 Класична фризура и нималку комплицирана, но речиси секогаш актуелна. Една од омилените и на пејачката Викторија Лоба, која често ја практикува. Со високо коњско опавче изгледате уредно, а супер избор е за во пролет, бидејќи можете да го стилизирате дополнително со шноли, украсни стегачи, марама...

 

Волуменозна и брановидна коса

 Поранешната Мис на Македонија и модел, Вера Мештеровиќ отсекогаш ја негува долгата коса. Неодамна направи промена, така што ја видовме со брановидна фризура со волумен, која изгледа женствено и впечатливо. Има ретро нота во овој изглед, кој сосема соодветствува на пролетта...

 

 

Објавено:
28 април 2021
Категорија: 
Убавина
Прочитано:
2.085 пати
Тагови: 
фризури