Искористете го лабелото на уште неколку начини

Ако сте обожавател на лабелото или балсамите за усни, тогаш предлозите што следат во продолжение може да ви изгледаат интересно.

Можете да ги користите и:

*Како гел за веѓи

Со помош на лабелото веѓите ќе ви изгледаат обликувани и исчешлани. Доволно е само малку лабело да нанесете по должината и проблемот со „веѓи надвор од контрола“ е решен.

*Против „наелектризирана“ коса

Косата полесно ќе ја скротите доколку на прстите нанесете малку балсам за усни и ќе ги провлечете низ неа.

*За свеж изглед

Доколку на вашата кожа ѝ недостасува сјај, на образите нанесете малку од балсамот и ќе го добиете потребниот сјај.

*За отстранување шминка

Ако треба да отстраните маскара или ајлајнер, на памук ставете лабело или балсам за усни и употребете го како средство за отстранување шминка. Но, бидете внимателни со балсамите со арома на ментол.

*Како крема за околу очи

Доколку останавте без кремата за околу очи, подочниците и чувството на умор под очите ќе ги отстраните токму со лабелото.

*Сув нос

Во сезона на настинки игрипови, доколку го имате проблемот на сува и изиритирана надворешност на носот поради често бришење, балсамот за усни ќе ви помогне да го ублажите проблемот.