Нова хит верзија на боб фризура што ќе ве освои оваа сезона

28 октомври 2022

Боб фризурата била секогаш во тренд. Гледајќи децении наназад, на ваков или онаков начин, оваа фризура со своите многубројни и различни верзии, секогаш наоѓала начин да се најде на листата на најпривлечни и најпопуларни фризури.

Едноставноста и практичноста, му дозволува на бобот да биде прифатен од жени со различен стил на облекување и стил на живеење, а особено е омилен кај оние кои го претпочитаат динамичното и брзото секојдневно темпо.

Фото: Pinterest

Вообичаено, боб фризурата не бара многу време за стилизирање, брзо и лесно се суши кога е мокра, и одговара речиси на секој тип на коса, па дури и кадрава, тенка, рамна, но и густа.

Оваа сезона, бобот ни се враќа во нова верзија, поточно должина до вилицата (малку пократок од вообичаената должина), а судејќи по социјалните мрежи, можеме да видиме дека станува збор за вистински хит.

Фото: Pinterest

Боб фризурата е совршен избор за жешките летни месеци кога не сакаме долгите прамени да го потат нашиот врат, но и за студените зимски денови кога носиме капи и шалови, па сакаме да избегнеме долгата коса да ни се плетка со нив.

Во прилог можете да погледнете неколку примери и да се инспирирате за тоа како да ја потскратите косата оваа сезона.

Фото: Pinterest

Објавено:
28 октомври 2022
Категорија: 
Убавина
Прочитано:
1.345 пати
Тагови: 
убавина коса