Пет трикови за визуелно поголеми очи

13 мај 2013

Доколку сакате да имате покрупни очи и заводлив поглед, тоа може да го направите во пет чекори.

Прв чекор: Извиткајте ги трепките за да ги нагласите самите очи. Нанесете маскара во неколку слоја за да го постигнете ефектот на впечатлив поглед не заборавајте да нанесете маскара и на долните трепки, за изгледот да биде целосен.

 

 

Втор чекор: За убави очи и заводлив поглед, неопходно е да имате средени веѓи. Отстранете ги вишокот влакненца, исчешлајте ги, а празните места пополнете ги со молив за веѓи или сенка за очи.

 

Трет чекор: За покривање на подочниците и темните кругови околу очите неопходен ви е коректор. Изберете го оној кој највеќе одговара со вашиот тен.

 

Четврт чекор: На долниот дел од окото, откако ќе нанесете маскара, нанесете бел молив. Така окото визуелно ќе се зголеми и ќе има контраст.

 

Петти чекор: Посакуваниот изглед треба да го комплетирате со нанесување сенка за очи. Ако имате сини очи одлучете се за нежни и слатки нијанси како што се розова, беж и виолетова. За кафени и црни очи изберетесина, беж, зелена, златна, претежно земјените бои се оние кои најдобро ги истакнуваат кафеаво-црните очи. А доколку имате зелени очи, одберете праскови нијанси, виолетова, сребрена, црна, во зависност од тоа каков ефект сакате да постигнете - нежен или драматичен поглед.

 

 

Објавено:
13 мај 2013
Категорија: 
Убавина
Тагови: 
убавина шминка