Што да направите кога шминкањето ќе тргне на лошо...

Не грижете се! Секому понекогаш му се случува да погреши со шминката токму пред некој важен настан или пак пред сосема обично излегување со пријателите.

Дури и на професионалните шминкери понекогаш им се случува едноставно да не им е денот и шминкањето да не им оди од рака.

Но, и за таквите моменти постојат совршени решенија!

...Ништо не може да ми ги покрие подочниците!

По тотално уморен ден, имате подочници и поголеми од очекуваното и ниту еден коректор не може да ви ги покрие! Убавото розово руменило визуелно ќе ви го освежи лицето и ќе ги тргне погледите од вашите подочници, колку и тие да не ви се допаѓаат.

...Лицето ви изгледа уморно!

Извадете го коректорот од торбичето за шминки и стратешки нанесете го на лицето. Нанесете го околу ноздрите и под веѓите. Лицето ќе ви блеска!

...Ако немате маскара при себе!

Преспавте кај вашето момче, ве чека важен состанок на работа, а со вас имате само туш и моливче? Внимателно нацртајте мали точки помеѓу трепките за визуелно да добиете погусти трепки!

...Кога шминката ќе ви се „размачка“...

Завиткајте едно хартиено марамче околу прстот и на неа нанесете малку крема за раце. Со врвот на марамчето полека отстранете го вишокот шминка од вашето лице.