Намирници кои даваат повеќе енергија од кафето

24 ноември 2021

Кафето на многумина е омилен пијалок и прв избор кога им е потребно да се кренат енергетски. Причините за недостаток на енергија можат да бидат повеќе, но претерувањето никогаш не е добра опција, па ниту за кафето, ниту за благото за кои се веруваат дека се енергетски „бустери“.

Сепак, стручните лица наведуваат 5 намирници кои се далеку подобар избор од претходните две.

Еве ја листата:

Банана

Одличен избор за ужина, пред или после тренингот. Бананата е богата со шеќери кои се разградуваат брзо, а исто така се богати со магнезиум и калиум. Така, не само што ги храните мускулите, туку и мозокот и одличен избор се за победа на уморот.

Спанаќ

Богатство од минерали се содржи во спанаќот, важни за добра работа на нервниот систем. Железото е одличен сојузник за одржувањето на физичка, но и умствена сила. Ако не ви се допаѓа зготвен, тогаш направете смуди и додадете малку лимонов сок. 

Јајца

Јајцата содржат трипофан и тирозин, што во превод значи дека кога јадеме јајца го регулираме лачењето на серотонинот односно допаминот. На тој начин ја зголемуваме и енергијата, но и мотивацијата. Јајцата содржат и селен, а тој е одличен сојузник во отстранување на заморот.

Црно чоколадо

Најдобро е да се почестите со оние што содржат повеќе од 70% какао, затоа што тој го крева расположението и енергијата. Црното чоколадо содржи и кофеин и теобромин, алкалоиди, кои само го интензивираат споменатото дејство.

Лосос

Оваа риба е извор на есенцијални масни киселини, пред се' мислиме на Омега 3, кои го регулираат нивотот на серотонинот. Исто така, има и витамин Д, кој помага во создавање на малтонин, кој ни помага да спиеме подобро и подобро да се одмориме. 

 

 

Објавено:
24 ноември 2021
Категорија: 
Здравје
Прочитано:
370 пати