Шпанија на чекор да стане првата европска земја со законски регулиран менструално отсуство

16 мај 2022

Сигурни сме дека не постои жена која за време на менструалниот циклус не посакала да има можност макар еден ден да остане дома.

Е таа желба е многу блиску да им се оствари на Шпанките.

Имено, доколку помине законот предложен од левоориентираната партија на власт во Шпанија, таа би можела да стане првата земја во Европа која воведува законска можност за менструално отсуство. 

Така, жените би имале можност да земат еден до три слободни дена, а за некои исклучоци и до пет работни дена, без да бидат приморани да ги одработат

„Кога постои проблем кој не може да се реши медицински, сметаме дека е во ред да сочувствуваме и да понудиме привремен одмор, односно слободни денови“, вели Анхела Родригез, гернерален секретар на Шпанија. 

Покрај ова, во Шпанија хигиенските влошки и тампони нема дополнително да се оданочуваат, а ќе бидат и бесплатно достапни за жени кои не можат да си ги дозволат.

Слични закони постојат во некои од азиските земји, меѓу кои Јапонија, Јужна Кореа и Тајван.

 

Објавено:
16 мај 2022
Категорија: 
Здравје
Прочитано:
760 пати