Италијанската супермоделка Бјанка Балти импресионираше со својата појава како гостин на модната ревија на Валентино за есен-зима 2025/2026 на Париската модна недела. Балти за оваа прилика се појави во совршен бохо-романтичен изглед, комбинирајќи нежност и смела елеганција.
Таа носеше префинет фустан од бела тантела, со асиметрична линија и деликатни детали, креација од претходна есенска колекција на Алесандро Микеле. Комбинацијата беше заокружена со луксузен капут во пудресто-розова нијанса, со контрастни црни детали, додавајќи драматичен, но софистициран тон.
Балти својот изглед го надополни со импресивен ѓердан од златни перли и кристали, како и макси обетки во форма на капки, кои совршено го комплетираа нејзиниот стајлинг.
Нејзината појава на модната недела во Париз не беше само моден момент – Балти ја користи секоја појава за да испрати моќна порака за важноста на храброста и смелоста во живот.
Појавувајќи се со кратка коса, таа продолжува јавно да зборува за својата битка со ракот на јајниците, инспирирајќи илјадници жени ширум светот со својата сила и елеганција.
View this post on Instagram
English 
Macedonian