Во 2006 за прв пат ги запознавме Миранда Присли, злобната уредничка на модно списание и нејзината асистентка Енди Саш. Двата фиктивни лика беа главните протагонисти во култниот филм Ѓаволот носи Прада, каде Мерил Стрип и Ен Хатавеј се покажаа во најдобро светло.
Сега речиси 20 годии подоцна се снима продолжение на филмот, а на задоволство на фановите се појавија и првите слики од Хатавеј како Енди.
На трите фотографии коишто беа објавени на Инстаграм, актерката носи различен аутфит.
Ја гледаме во тегет комплет на риги составен од панталони и елек, и во малку понеформална верзија – долга тексас јакна и асиметричен црно бел топ. Третиот изглед е поразигран, а вклучува долг шарен фустан со шешир и сандали на платформа.
Судејќи според ова добрите модни парчиња нема да изостанат, а што ќе се случува во продолжението останува да видиме.
Во филмот повторно ќе ја репризира својата улога и Емили Блант, а ќе се појават и неколку нови имиња. Премиерата е закажана за први мај 2026-та
English 
Macedonian