Принцезата од Велс, Кејт Мидлтон, повторно привлече внимание со својот беспрекорен стил, овој пат во неформална и опуштена ситуација.
Ретко кога јавноста има можност да ја види Кејт во нејзиното слободно време, но неодамна на неофицијалниот Инстаграм профил за славни личности, DeuxMoi, беа објавени спонтани фотографии од неа додека купувала очила.
Кејт, позната по својат едноставен, но елегантен стил, овојпат избра практична комбинација за зимските услови. Таа носеше темно палто на преклоп, кое совршено се вклопуваше со шал со кариран дезен. Принцезата го комплетираше изгледот со сива чанта, која додаде суптилен, но стилски акцент. Косата ѝ беше пуштена во благи кадрици, што го надополнуваше нејзиниот природен и лежерен изглед.
Ова не е првпат Кејт да биде фотографирана во ваков опуштен момент. Во февруари 2022 година, таа исто така беше уловена од папараци додека беше на шопинг во стоковната куќа Peter Jones. И тогаш, таа преку својот стајлинг демонстрираше удобност и стил.
Кејт Мидлтон е симбол на софистицираност и префинетост, дури и кога е далеку од формалните кралски обврски. Нејзините избори за облека, без разлика дали се за свечени настани или за секојдневни активности, редовно привлекуваат восхит и креираат инспирација кај обожавателите ширум светот.
Фотографиите од последното нејзино појавување предизвикаа голем интерес на социјалните мрежи, докажувајќи дека Кејт останува модна икона дури и во нејзините најобични моменти.
Macedonian 
English