Супермоделoт Жизел Бундхен го доби своето прво дете со партнерот Хоаким Валенте. Според магазинот TMZ, 44-годишната ѕвезда се породила на почетокот на овој месец, отворајќи ново поглавје во својот живот.
Бундхен, која со поранешниот сопруг Том Брејди ги има синот Бенџамин (14) и ќерката Вивиан (11), својата врска со Валенте, нејзиниот поранешен инструктор по џиу-џицу ја држеше подалеку од јавноста.
Сепак, во интервју за The New York Times, таа ја опиша нивната љубов како „искрена“ и „транспарентна“.
Двојката, која е неразделна од 2023 година, со нетрпение го очекуваше ова ново поглавје. Странските медиуми пренесуваат дека Бундхен му ја соопштила веста на Брејди пред децата да му кажат сами.
Жизел останува една од најуспешните супермодели на сите времиња. Со кариера што трае повеќе од две децении, таа беше заштитно лице на врвни модни куќи, муза на светски познати дизајнери и една од највлијателните фигури во модната индустрија.
Без разлика дали е на насловна страница, на писта или во улогата на мајка, Жизел Бундхен продолжува да инспирира со својата убавина и грациозност.
Macedonian 
English