Нема ништо поубаво кога за празниците ќе се собере целото семејство и пријателите. Искрените желби за поубава година, прегратките и насмевките се бесценети.
А кога на сето тоа ќе се подари и нешто внимателно одбрано и со драго срце среќата станува поголема.
Кога зборуваме за подароците често размислуваме и како да ги завиткаме, а тука на помош ни се креативните идеи што ги наоѓаме на интернет.
Изненадувањето е уште поголемо кога подарокот доаѓа со прекрасна декорација. Освен хартијата во која ќе го завиткаме тоа што сме го купиле или направиле, можеме да искористиме и други елементи.
Тоа може да биде гранче зеленило, машничка, лижавче во разни форми, ѕвонче, мини лампиони па дури и зимски плодови – креативноста нема крај.
Она што е важно е да подаруваме со добра и искрена мисла.
Па доколку се уште се мислите како да го спакувате вашиот подарокот, нашата мала галерија е секогаш тука за вас.
Macedonian 
English