Денешниот викенд рецепт е како создаден за празнична атмосфера. Секогаш е добро да се подари љубов, а уште поубаво кога таа има вкус на слатко колаче.
Кога сакаме нешто да направиме најчесто предност им даваме на едноставните рецепти, а еден таков од само пет состојки, ви носиме во продолжение.
За овие колачиња со мотив срце ќе ви треба:
- 300 грама брашно
- 200 грама путер
- 100 грама шеќер во прав
- 1 јајце
- џем по желба
Изматете го шеќерот во прав и путерот, а потоа додадете го јајцето. Во добиената смеса ставете го брашното и месете се додека не добиете глатка смеса.
Потоа расукајте го тестото и со соодветен калап исечете кружни форми. Во секој круг направете облик срце (можете да употребите и прибор за јадење).
Вдлабнатото срце исполнете го со џем по желба. Печете ги колачињата во рерна на температура од 180 степени, околу пет минути.
Фото: Instagram
Macedonian 
English