Џенифер Лопез повторно го докажа својот одличен моден сензибилитет, овој пат во друштво на своjата 17-годишна ќерка, Ема, на отворањето на претставата Отело на Бродвеј.
Двојката приреди ретко, но незаборавно модно појавување, носејќи две сосема различни визии. Ема се одлучи за тренди, софистициран, елегантен стил во темно-сив костум, комбиниран со сива кошула, црно-бела вратоврска и црни кожени патики на платформа.
Лопез, пак, донесе доза на гламур со парчиња директно од колекцијата Zuhair Murad Fall/Winter 2024 Couture. Таа изгледаше беспрекорно во сет во темносина боја, составен од краток џемпер со ролка и долга макси сукња со суптилен шлеп, украсени со сребрени светкави детали што совршено ја истакнаа нејзината силуета. Комбинацијата ја надополни со елегантна црна чантичка, дијамантски накит и меко крзнено палто во црна боја.
Познатата дива, која со поранешниот сопруг Марк Ентони ги има близнаците Ема и Макс, повеќепати има зборувано за предизвиците на мајчинството, нагласувајќи дека не постои „совршен“ начин да се биде родител – туку секој треба да биде најдобрата верзија од себе.
Со ова појавување, Лопез и Ема уште еднаш докажаа дека стилот е личен израз, а модата совршен простор за храброст и автентичност.
Macedonian 
English