Тејлор Свифт, која моментално важи за еден од најголемите поп феномени во светот е родена на денешен ден во Пенсилванија, САД.
Почнува да пишува песни на 14 годишна возраст, а со својот прв албум Taylor Swift (2006), станува првата кантри-пејачка која била текстописец на сите песни од американски албум продаден во платинест тираж.
Оттогaш Свифт руши рекорди постојано. Нејзината турнеја Ерас (2023–2024) и нејзиниот придружен концертен филм се број еден по заработка на сите времиња.
Таа е најстримуван изведувач на Spotify, пејачка со најголема заработка од турнеи, прв милијардер чиј главен извор на приход е музиката, а лани магазинот Time ја прогласи за личност на годината.
Нејзините настапи се проследени со одлична костимографија. Тејлор е позната по светкавите костими и високите чизми, како и енергијата со која едноставно зрачи на сцената.
Таа има огромен број на обожаватели кои верно ја следат каде и да настапува.
Во чест на нејзиниот роденден денес издвојуваме неколку нејзини впечатливи стилски изданија.
Macedonian 
English