Празничната сезона пристигна, а тоа е вашата можност да уживате во добро друштво и уште подобар стајлинг. Бидејќи на повидок се многу забави и прослави, ова е одлично време е да го надополните вашиот изглед со накит што привлекува внимание.
Од микс на метален накит до комбинација на привезоци, овогодинешните трендови се приказ за смелост, раскош и уникатност.
Микс на метали
Заборавете на старите правила – комбинирањето злато и сребро е новиот начин да се издвоите од маста. Комбинирајте обетки, нараквици и ѓердани во различни метали за повеќедимензионален изглед што ќе се истакне. Златна манжетна со сребрени висечки обетки?-Тоа е смела комбинација што одлично функционира.
Волуменозни обетки
Волуменозните обетки се апсолутен хит. Додадете оригиналност на вашиот избор на обетки со единствена волуменозна манжетна или комбинирајте ја со мали и висечки обетки за максимален ефект. Резултатот?- Уникатен стил што привлекува внимание.
Луксуз во слоеви
Максимализмот се враќа, а накитот во слоеви е совршен начин да му кажете добредојде. Комбинирајте ѓердани со различни должини и материјали или мешајте прстени со различни форми и завршници. Накитот во слоеви раскажува приказна и додава доза на драма на секој изглед.
Шармантен накит
Привезоците носат личен печат во празничното стилизирање. Без разлика дали станува збор за астрологија, спорт или вашата омилена храна, креирајте микс на привезоци што го отсликува вашиот стил. Овој тренд не е само шик – тој е и сентиментален.
Класика со карактер
Класичната „тенис“ нараквица е совршен избор за празниците. Комбинирајте ја со други парчиња за да го подобрите нејзинот ефект или носете ја самостојно за суптилен, но луксузен изглед.
Оваа празнична сезона дозволете му на накитот да зборува за вас. Без разлика дали пиете шампањ на забава од работа или танцувате на дочекот на Новата година, овие трендови гарантираат дека ќе бидете ѕвезда на сезоната.
Macedonian 
English