Некогашната опсесија со големи чанти налагаше дека можеш буквално да носите сè освен кујнски мијалник и сепак да изгледате шик. Дозволивме нашите мисли да се излеат по ремените на чантите, додека концептот на „облекување со карактер“ поттикна опсесија со привезоци, амајлии и необични ситници.
Но работите се чини дека се сменија.
Веројатно се прашувате како точно ремените станаа новите привезоци за чанти? Ременот делува намерно, (приближно) практично, и значително помалку детинесто од колекција со привезоци. А кога се закопча околу фармерки со среден струк, внесува структура во силуетата.
Ремените, исто така, беа насекаде на модните писти за проле- лето 2026. Кај Versace, дебитантската (и проштална) колекција на Дарио Витале се навраќаше на доцните 80-ти на Џани Версаче и прикажуваше лежерни, делумно откопчани фармерки, стегнати со ремени од кои висеа масивни синџири за паричници, слоевити со џемпери врзани околу половината.
Кај Meryll Rogge, ремените беа големи, шарени и неусогласени, со токи што се „преклопуваа“ преку телото. Кај Celine, во колекцијата на Мајкл Рајдер, ремените беа составени од мноштво метални токи и хардвер во форма на буржоаското Triomphe лого.
Потврдувајќи ја идејата дека ремените се новите привезоци за чанти, чантите буквално беа прикачени на ремени: минијатурна Hermès Kelly кај Hermès и елегантна чантичка со рачка кај Coperni. Нежни чанти доминираа кај Julie Kegels, Eckhaus Latta и Giorgio Armani. А кај Louis Vuitton, синџир-ремен го претстави новиот часовник Monterey – златна реизведба од 39 мм на модел од 1988 година, оригинално дизајниран од архитектката Гае Ауленти.
И најкул луѓето на Instagram го прифатија трендот: Alexa Chung носи токи од дивиот запад, нитни и златни детали;
На Chanel Métiers d’art шоуто во Њујорк, Adwoa Aboah носеше обновена верзија на класичниот Chanel костум со тенок ремен лежерно закопчан ниско на колковите.
Во последните три месеци, Net-a-Porter забележа пораст од 267% во продажбата на ремени од Déhanche, особено моделот Hollyhock – во зебра принт, со нитни или ефект на нојска кожа. Пребарувањата за ремени од Khaite пораснаа за 125%.
Додека привезокот за чанта зборува за хаос, метафорична неуредност и нескротен ум, ременот – без разлика дали е украсен или едноставен – одразува внатрешен ред. Затоа, следниот пат кога ќе ве збунат привезоците за чанти, земете здив – и затегнете ремен.
Н.Т