Во дворците што го одбележаа крајот на Наполеонската ера, накитот не бил само моден додаток, тој бил симбол на моќ, статус и естетска визија. Еден од најзначајните примероци на оваа културна музика е импресивниот Парур комплет на накит со дијадема, гердан, брош, обетки и нараквици — изработен за Каролина Бонапарта, сопруга на генералот и подоцна крал на Неапол, Жоаким Мира.
Caroline Bonaparte — кралица, сестра и модна икона
Каролина Бонапарта (1782–1839), родена Марија-Нунцијата Бонапарт, била помлада сестра на Наполеон Бонапарт и една од најзначајните жени на европската сцена во почетокот на 19 век. По бракот со Жоаким Мурат во 1800 година, таа не само што стана клучна фигура во Наполеонската династија, туку и влијателна фигура на модата и стилот во својот круг.
За време на владеењето на Мурат како крал на Неапол (1808–1815), Каролина не само што ја поддржуваше својата улога на државничка, туку и имаше силна афинитет кон луксузни предмети и накит што ја истакнуваа нејзината положба во контекст на европските дворови.
Парурот: ремек-дело од злато и медитерански корал
Парурот што го носела Карлолина, изработен околу 1810–1812 година, спаѓа во најимпресивните примероци на накит од Наполеонската епоха и воопшто во светот. Тој се состои од дијадема (тиера), гердан, брош, обетки и нараквица, сите во уметнички усогласени композиции. Секое парче е изработено од злато и медитерански корал, материјали кои во тоа време биле многу ценети поради својата реткост, боја и симболика.
Материјалот, црвеникав корал од Медитеранот бил традиционален избор на високата мода на кралските дворови, со силна симболика за сила, заштита и просперитет, особено ценет во Италија и Франција.
Овој парур бил подарок од Градот Неапол за крунисувањето на Каролина како кралица, што дополнително ја зголемило неговата историја и значење.
Уметничка изработка и стилски карактер
Секоја компонента на накитот во парурот е украсена со камеа — релјефни минијатурни фигури и профили издлабени во корал. За ваква работа се барало високо мајсторство, коралот морал да биде рачно издлабен, потоа внимателно поставен и потоа опкружен со фино обработено злато. Овие “cameo” мотиви, популарни во Император стилот што доминирал за време на Наполеоновата ера, честопати преставуваат митолошки ликови, романски профили или класични сцени, симболички референци на цивилизациската традиција на Западна Европа.
Иако точниот автор на парурот не е документарно потврден во сите архиви, накитот припаѓал на највисоките кругови на владателското опкружување и веројатно бил изработен од најдобрите неаполитански златари и уметници на глиптика од тој период, мајстори што често работеле за членови на династијата Бонапарт и другата европска аристократија.
Што претставува накитот денес
Што претставува накитот денесОвој сет накит денес се смета за редок и исклучително вреден примерок на рано 19-вековната уметност и кралска мода. Прикажан е на изложби, вклучително и при проширени презентации посветени на историското наследство на кралот и неговиот двор, како во Ројал Палас во Неапол.
Накит како овој парур не е само предмет за украсување, тој е историски документ што сведочи за уметничката, политичката и социјалната позиција на една европска кралица, за стилските тенденции на почетокот на 19 век и за врската помеѓу моќта и естетиката во времето на Наполеонските војни и нивните социјални последици.
Н.Т