Проверка на факти: Дали Кели Озборн стана новото заштитно лице на Версаче за пролет 2026? Еве ја вистината

Гламурозна фотографија која наводно ја прикажува Кели Озборн како ново заштитно лице на Версаче за пролет 2026 во последните денови масовно се споделува на Фејсбук. Виралната фотографија, објавена од страницата The Celeb Talk Girl на 8 март, предизвика големо љубопитство кај обожавателите. Објавата брзо собра илјадници лајкови и реакции.

Но, како што објавата се шири на интернет, сè повеќе корисници почнаа да се прашуваат дали ова тврдење кое воедно го споменува и брендот Л’Ореал навистина е точно или станува збор за уште една погрешна гласина на социјалните мрежи. Да ја разгледаме вистината.

Вирални објави предизвикаа забуна околу наводни бренд кампањи

Шпекулациите се засилија откако страницата на Фејсбук The Celeb Talk Girl во февруари објави уште една фотографија на Шерон Озборн заедно со нејзината ќерка Кели Озборн, тврдејќи дека двете станале новите заштитни лица на Версаче.

Приближно во исто време, друга страница наречена The Realms of Absolute Power сподели неповолна фотографија од Кели на која таа држи производ од линијата Infallible на Л’Ореал Париз, претставувајќи ја како нова реклама и придружувајќи ја со коментарот: „Добредојдовте во ерата на живите мртовци.“

Проверка на фактите: Нема кампања на Версаче или Л’Ореал со Кели Озборн

И покрај виралните тврдења, нема никакви докази дека Кели Озборн е именувана за заштитно лице на Версаче за пролет 2026. Луксузната модна куќа не објавила никаква информација за ваква соработка.

Фотографиите што кружат на Фејсбук, исто така, најверојатно се генерирани со вештачка интелигенција или дигитално манипулирани и не се дел од ниту една официјална кампања на Л’Ореал Париз, пренесува порталот PrimeTimer.

Овие објави најверојатно се пример за т.н. „engagement farming“, практика при која се споделува погрешна или манипулативна содржина со цел да се привлечат кликови, реакции и интернет сообраќај.

Од реално шоу до сопствен моден бренд

Пред целосно да се посвети на модата и музиката, Кели Озборн првпат го привлече вниманието на јавноста преку ријалити серијата на МТВ „The Osbournes“, која се емитуваше од 2002 до 2005 година и го следеше животот на семејството на рок легендата Ози Озборн. Токму ова шоу ѝ овозможи на Кели да се пробие во јавноста и да изгради кариера во забавната индустрија.

Следејќи ја својата страст кон стилот, таа подоцна ја претстави и својата модна линија со порака за позитивен однос кон телото, „Stories by Kelly Osbourne“, која беше лансирана на платформата HSN во септември 2014 година.

Н.Т