Скриена на приватен имот близу Бафало, Тексас, се наоѓа куќа којашто е речиси целосно под земја. Единствениот пристап, што малку видлив, е преку „hobbit-style“ тунел врата, што веднаш создава чувство на мистерија и магија. Сепак, она што следува внатре ги надминува сите очекувања.
Куќата е изградена во 1999 година и е составена од пет куполести структури покриени со земја, со вкупна површина од околу 280 м². Во неа се сместени три спални, две бањи, голема отворена дневна, трпезарија и кујна, како и повеќе тематски соби кои се вистински уметнички простори.
Тројца различни уметници ја имаат украсено впечатливата внатрешност со шарени мурали и тематски декор, што ги прави просториите живописни и светли, иако куќата е целосно под земја.
Секој дел има свој стил, од египетски мотиви, океански сцени и плажа, до вселенски елементи и древни храмови во бањите. Ова не е само дом, тоа е жив свет на уметност и креативност, комбиниран со функционалност.
Овој подземен дом нуди максимална приватност и заштита од временски непогоди. Земјата околу структурата служи како природна изолација, што овозможува константна температура во текот на годината и значителна енергетска ефикасност. Покрај тоа, куќата е подготвена за целосно независно функционирање. Има сопствен бунар за вода, генератор и септички систем.
Подземната куќа во Бафало, Тексас е совршен пример дека животот под земја не мора да биде темен или непрактичен. Со правилен дизајн и уметничка инвентивност, таа станува уникатно место за живеење кое ги комбинира приватноста, комфорот и визуелниот спектакл на уметнички израз.
