Ана Винтур се осврна на Мет гала и работата на овогодинешните ко-водителки Бијонсе, Никол Кидман, Венус Вилијамс и Лорен Санчез Безос.
Додека Венус Вилијамс започна да зборува на годишната прес-конференција за пролетната изложба на Метрополитен музејот на уметност, тениската икона призна дека никогаш порано не се обраќала пред толку голема публика на прес-конференција.
Иако тоа е значајно за Вилијамс, четирикратна олимписка златна медалистка и седумкратна победничка на Гренд слем, тоа исто така покажува колку интерес предизвикува музејот во последните години.
Прес-конференцијата за изложбата на Мет „Costume Art“ е вовед во Met Gala, хуманитарен настан за музејот кој оваа година собрал рекордни 42 милиони долари. Вилијамс беше една од ко-водителките на настанот, заедно со Бијонсе и Никол Кидман.
„Пред години ова беше многу мал настан и, искрено, понекогаш мораше да се молат луѓето да дојдат,“ изјави Ана Винтур, главна претседавачка на гала вечерта и глобална уредничка директорка на Vogue. „Модата тогаш беше само куриозитет. Сега модата е насекаде и им припаѓа на сите.“
Винтур зборуваше со носталгичен и оптимистички тон, без нејзините препознатливи црни очила. Ова е нејзина прва гала по повлекувањето од позицијата главна уредничка на Vogue. Таа се потсети на својата прва Met Gala во 1982 година, кога едвај можела да си дозволи фустан.
„Таа вечер бев никој, но за мене значеше сè,“ рече Винтур.
Уредничка која се борела да опстане, која на својата прва Мет гала добила само „евтини места“ и едвај можела да си дозволи фустан од 900 долари
Ана Винтур ја пофали Лорен Санчез Безос
Винтур истакна четири жени кои ја направиле вечерта возможна: Бијонсе, Никол Кидман, Венус Вилијамс и Лорен Санчез Безос, сопруга на милијардерот и основач на Amazon, Џеф Безос.
„Лорен е подготвена да ја раздвижи општествената сцена со ризик и позитивна енергија,“ рече Винтур.
Таа додаде дека Санчез Безос не била само симболичен гостин, туку учествувала активно на состаноци со „многу идеи“.
Изложбата „Costume Art“
Изложбата „Costume Art“Новата изложба „Costume Art“ ќе биде отворена од 10 мај 2026 до 10 јануари 2027 година. Таа се наоѓа во новите 12.000 квадратни метри галерии на музејот.
„Станува збор за сите тела,“ објасни Винтур. „Голи, класични, полнички, со ивалидитет и начинот на кој модата и уметноста ја обликуваат нашата перцепција.“
Изложбата вклучува и манекени на лица со попреченост, меѓу кои и моделот Сонија Вера, која по парализа во 2017 година денес е дел од експозицијата.
„Никогаш не би верувала дека ќе бидам дел од Мет изложба,“ изјави Вера. „Секој има право да се чувствува убаво и прифатено.“
Н.Т