Успесите на ЕЛЕНА ЛУКА крунисани со лауреатот ЖЕНА НА ГОДИНАТА 2024

Силната посветеност, страст кон работата, професионализмот и хуманоста кои ЕЛЕНА ЛУКА ги поседува беа препознаени и наградени со лауреатот македонска ЖЕНА НА ГОДИНАТА 2024 во рамки на престижниот настан „Жени претприемачки 2024,“ што се одржува по седми пат во организација на Kasia Events.

ЕЛЕНА ЛУКА ја освои оваа престижна титула во која беа номинирани и Радмила Шеќеринска -политичарка, Андријана Јаневска -пејачка и професорка, Емилија Спасовска Мојсовска – нутриционистка и Маја Андоновска Илијевски -актерка.

Ова признание претставува уште една потврда за нејзината исклучителна кариера како лидер, визионер и претприемач.

Во своето обраќање, ЕЛЕНА ЛУКА се заблагодари за значајната награда и ја нагласи важноста на женската поддршка во постигнувањето на врвни резултати.

„Оваа награда ми е многу важна, тоа е навистина импресивна, прекрасна награда пред сѐ затоа што е доделена од жени, за жени. Тоа е можеби е еден доказ дека чекорам по вистинскиот пат, во развојот на бизнисот, којшто вклучува комуникација со многу жени. Ние сме една општествено одговорна компанија. Наградата е и своевидна верификација дека со нашето менторирање преку фондацијата ЕЛЕНА ЛУКА правиме убави нешта за сите жени, за младите кои ја стартуваат својата бизнис кариера. Можеби моите патишта во еден дел од животот сум ги одела сама и затоа точно знам каде се оние потешкотии во развојот на бизнис концептот и колку значи женската поддршка и менторството. Затоа ЕЛЕНА ЛУКА преку својата фондација работи токму на тоа-даваме емоционална и психолошка поддршка во делот на менторирањето. Им помагаме на сите жени да издржат на тој специфичен и тежок пат до успехот. Среќна сум дека ги гледам искрените лица на жените кои гласале за мене сметајќи дека треба да бидам ЖЕНА НА ГОДИНАТА 2024-та.“- истакна ЕЛЕНА ЛУКА.

Во своето обраќање ЕЛЕНА ЛУКА нагласи дека најважно е да си помагаме едни на други, да ги сакаме луѓето, да мислиме на доброто на заедницата и да обезбедиме конкретна поддршка на оние жени на кои им е истата потребна.

„Разговарам многу со млади жени и девојки кои сакаат да почнат одреден бизнис. Отворено разговараме за бизнис нивните идеи, размислувања, некои се реални некои не. Онаму каде се гледа дека нешто е остварливо, но недостасува самодоверба поради неискуство или слично, ја даваме поддршката преку фондацијата ЕЛЕНА ЛУКА, во форма на разговори, менторинг. На тој начин тие осознаваат дека шансите за успех се големи и тоа од самиот момент кога им дошла идејата за иновативниот бизнис.“- рече ЕЛЕНА ЛУКА.

Добитничката на наградата за ЖЕНА НА ГОДИНАТА, ЕЛЕНА ЛУКА е вистински пример за лидерство, иновација и посветеност, во светот на модата, а нејзиниот бренд е синоним за авангарда, уникатност и врвна креативност. Преку ЕЛЕНА ЛУКА ХОУМ, таа го редефинира начинот на кој се гледа на градежната индустрија, носејќи современи стандарди и иновации во архитектурата и недвижностите. Таа е исто така успешна и во дигиталниот медиумски свет преку модниот магазин FashionEL.mk.

Наградата ЖЕНА НА ГОДИНАТА ја истакнува посветеноста на ЕЛЕНА ЛУКА во обликувањето на позитивни промени и создавањето иновативни решенија кои го трансформираат општеството. Организаторите од Kasia Events објаснија, како се врши изборот на наградените и ја поздравија нејзината исклучителна посветеност и примерот што го дава на жените претприемачки.

„Изборот на ЖЕНА НА ГОДИНА се организира преку номинација, еден месец пред изборот, од средината на ноември до сега, се номинирани различни групи на жени. Оној кој што има најмногу номинации потоа се сублимира, правиме табела, тие 5 жени кои имаат најмногу номинации потоа се оценувани од жири комисија. Оваа година за ЖЕНА НА ГОДИНАТА беше прогласена ЕЛЕНА ЛУКА од добиени 437 номинации.- изјави Катерина Котларевска Маневска – Организатор на настанот, сопственик на брендот Kasia Events

Својата успешна инспиративна приказна како претприемач ЕЛЕНА ЛУКА ја раскажа и за време на панелот „Како жените си подаваат рака во бизнисот“ кој исто така беше дел од конференцијата „Жени претприемачки 2024“ и беше модериран од професорката Маја Кузмановска.

„Мислам дека заслужено оваа награда отиде во вистински раце, сите знаеме брендот ЕЛЕНА ЛУКА на кое високо ниво котира во ова општество, навистина е жена за пример. На самиот панел се виде дека е жена која има многу искуство, жена која сака да помага и стои на располагање за сите особено за жените и младите. Честитки, ова се надевам ќе биде поттик и понатаму да не застане и да продолжи со своите успеси и кариера.- рече Маја Кузмановска професор и модератор на панелот „Како жените си подаваат рака во бизнисот“.

Во склоп на настанот наградени беа вкупно 10 дами, кои со својот професионален и општествен ангажман секојдневно и во континуитет поставуваат високи стандарди на деловно и етичко однесување и оствариле забележителни резултати во годината што одминува. Меѓу нив за Жена со најдобар стил беше прогласена Вера Мештеровиќ, долгогодишен соработник на ЕЛЕНА ЛУКА.

„Мојот долг поддржувач, за со мојот стил на некој начин да бидам инспирација за останатите, да одговорам на сите оние задачи коишто секојдневно ги работам на малите екрани, е токму ЕЛЕНА ЛУКА. Тие се тука да ми помогнат да одговорам на сите предизвици, да изгледам соодветно на секоја пригода. Изминативе години соработувавме одлично, се надевам дека и понатаму ќе продолжиме. Вашиот тим и вашите креатори на чело со ЕЛЕНА ЛУКА се секогаш добитна комбинација со која постојано се инспирираме и поддржуваме, а со тоа се надевам и стануваме и инспирација за сите.“- рече Вера Мештеровиќ.

На конференцијата „Жени претприемачки“ учествуваа сопственички на бизниси, жени со претприемачки идеи, како и лидери од различни професии – од корпорации, медицината, образованието, спортот и многу други области. Покрај официјалните презентации и дискусии, настанот овозможи нови можности за вмрежување и создавање на долготрајни пријателства и соработки.