Кратките јакни и капути ги заменуваат oversized моделите

Ако судиме по модните блогерки на Инстаграм, oversized трендот во преодната сезона ќе го заменат малку поинакви варијанти.

Се повеќе можеме да забележиме кратки, односно кропирани модели на јакни и капути, коишто мораме да признаеме се совршени за овој период. За разлика од долгите модели, кратките се помалку елегантни, ама затоа пак носат еден младешки дух и свежина во игледот.

Ширината останува како опција, но и за оние кои преферираат потесни модели, изборот е голем. Кратките модели на јакни и капути се одлични за секојдневни комбинации, а во однос на нијансите предност имаат оние посветлите.

Исто така се поголема е популарноста на кратки кожни јакни, коишто се прв избор на многумина за почетокот на пролетта. Стилизирањето на кропираните модели е навистина лесно – тие одлично се сложуваат како со фармерки и панталони така и со фустани.

Еве како тоа го прават модните блогерки на Инстаграм.