Еден од клучните трендови што можевме да го забележиме на пистите за пролет/лето 2025 е познат како „Soft Power“ – термин што го опишува моќниот, но софистициран деловен стил.
Корпоративниот стил беше доминантна тема на сезоната. Дизајнерите ги реинтерпретираа класичните работни комбинации со палета инспирирана од Вол Стрит, предимензионирани костуми и аксесоари како вратоврски, актовки и дури и свиткани весници. Овој тренд доби модерен пресврт преку употреба на флуидни материјали и креативно слоевито стилизирање.
Посебно внимание привлече враќањето на костумите со здолниште. Stella McCartney, Bottega Veneta и Max Mara му дадоа свежа, модно напредна нота на овој класичен сет. Наместо кусите здолништа што моментално доминираат во продавниците, пистите за сезоната пролет/ лето 2025 беа преплавени со молив-здолништа и миди должини.
Кафеавиот костум на Max Mara беше освежен со свилена кошула откопчана доволно за да открие црн градник, додека Bottega Veneta претстави екстраголеми здолништа и блејзери, правејќи ги покомфорни и помалку формални.
Kорпоративниот стил на модната писта го фаворизираше и Michael Kors, кој креираше сив дводелен комплет со струкирано сако и тенок колан кој даде софистициран допир, кој ја истанува убавината на женската силуета.
Овој стил го промовираше и Кендал Џенер која покажа поинаков пристап по ревијата на Schiaparelli во Париз. Наместо во фармерки и маица, таа се појави во елегантен костум со здолниште од Alberta Ferretti, стилизирано со кожени ракавици, бордо чанта од The Row и кожени мокасини од Bottega Veneta.
Супермоделот испрати јасна порака – оваа сезона, деловниот изглед е во фокусот.
Macedonian 
English