Уште еден холивудски актер реши да отвори сопствен ресторан. Станува збор за маестралниот Бредли Купер кој пред нова година реши да се испроба во сосема нов концепт.
Ресторанот наречен Danny&Coop ќе го води со Дени Ди Џјампјетро кој е сопственик на познатата пицерија Angelo’s.
Двајцата соработуваат веќе неколку години а поголемо внимание предизвикаа лани кога во Њујорк организираа pop-up food cart, каде на отворено подготвуваа храна.
Нивниот специјалитет cheesesteak, којшто инаку е потпечен сендвич со месо, зеленчук и сирење беше вистински хит, а сите собрани пари од продажбата тогаш беа донирани во хуманитарни цели.
Токму затоа и сега јавноста верува дека ресторанот ќе го послужува токму популарниот Philly Cheesesteak.
Актерот по успешниот пробен викенд најави службено отворање на Danny&Coop во текот на месецов.
Џиџи Хадид, која моментално е во врска со Купер, ја даде својата максимална поддршка на партнерот на друштвените мрежи повикувајќи ги следбениците да го пробаат вкусниот сендвич.
Фото: Instagram, Profimedia
Macedonian 
English