Светло сината кошула е безвременска кога станува збор за деловниот изглед. Таа носи свежина и елеганција која лесно се комбинира во речиси секоја прилика.
Ова парче облека е совршено за формален, но и полежерен канцелариски изглед. Може да се комбинира со темни панталони и елегантни балетанки или чизми, да се носи под блејзер во некоја неутрална боја, како темно сива или црна.
Ако сте за неформален изглед и сакате да се чувствувате удобно, светло-сината кошула е исто така идеален избор. За опуштена комбинација комбинирајте ја со фармерки или со кратки панталони.
Кога станува збор за вечерна комбинација, кошулата може да се комбинира со кожно или свилено здолниште и високи потпетици. Стилски детали, како златен или сребрен накит, дополнително ќе ја разубават целата комбинација.
Како да се носи со други бои?
Светло сината кошула одлично се комбинира со многу бои, но најубаво изгледа кога се комбинира со посветли нијанси. Бели, сиви и бежови ткаенини ќе ја истакнат нејзината свежина. Кошулата добро се совпаѓа и со црна и темно сива нијанса што создава контраст кој не е премногу остар.
Доколку сакате да додадете малку повеќе боја, поиграјте си со пастелни нијанси како розова или лаванда, а ако сте фан на минималистичкиот стил, комбинирајте со едноставна чанта и класични чевли на ниска потпетица.
English 
Macedonian