Селена Гомез со својот моден израз на најпрестижната филмска манифестација – Оскари 2025 покажа дека гламурот може да биде вистинска уметност.
Гомез пристигна во театарот „Долби“ во Лос Анџелес за да ја прослави номинацијата на филмот Emilia Perez за најдобар филм, облечена во спектакуларна креација од Ralph Lauren, инспирирана од безвременската убавина на Софија Лорен.
Фустанот во нежна розова нијанса совршено ја следеше нејзината силуета, додека повеќе од 16.000 стаклени капки и Rosemont кристали ја претворија во живо уметничко дело.
Креацијата која ја носеше Гомез имаше смело длабоко деколте и суптилни тенки прерамки спуштени од рамениците, внесувајќи доза на заводливост и луксузен гламур од златната ера на Холивуд.
Целиот изглед беше внимателно стилизиран за да го долови винтиџ сјајот: дијамантскиот ѓердан, соодветни обетки и коктел-прстени кои додаваат елеганција, додека нејзината коса, стилизирана во меки бранови, ја долови естетиката на класичните холивудски ѕвезди.
Со овој моден момент, Селена Гомез докажа дека вистинската магија на Оскарите не се случува само на сцената, туку и на црвениот тепих, каде што стилот зборува подеднакво гласно како и самите награди.
English 
Macedonian