Со цел да ја поттикне креативноста и иновативноста кај младите ЕЛЕНА ЛУКА во декември во Струмица отвори Конкурс за најдобро изработена скица за дизајн на матурска креација. Наградниот конкурс привлече големо внимание, а тоа го покажаа бројните скици донесени од ученици од повеќе училишта во модното ателје на ЕЛЕНА ЛУКА во Струмица. Конкурсот кој трае до крајот на овој месец е наменет за сите матуранти и полуматуранти од Струмица кои својот талент можат да го покажат со тоа што ќе испратат најуникатен и најинспиративен дизајн кој ќе биде изработен од врвниот тим во ЕЛЕНА ЛУКА.
Една недела пред да се затвори конкурсот на модниот бренд ЕЛЕНА ЛУКА, за тоа колку ваквите иницијативи се позитивни за образованието и развојот на младите разговаравме со Катерина Хаџи-Котарова –дипломиран моден дизајнер и наставник по стручни предмети од областа на мода и дизајн во Регионалниот центар за стручно образование и обука „Никола Карев“ од Струмица.
- Колкав е интересот на младите за учество на Конкурсот за најдобро изработена скица за дизајн на матурска креација кој го организираше ЕЛЕНА ЛУКА?
– Навистина сме воодушевени од огромниот интерес што го покажаа младите креативци. Вакви иницијативи секогаш се добредојдени, бидејќи ја поттикнуваат креативноста и иновативноста кај младите, кои се идните дизајнери и креатори на модата. Подготовките навистина течат во најдобар ред. Учениците со многу ентузијазам ги доставуваа своите скици, а нашата задача како ментори е да ги насочиме и да им дадеме конструктивни совети за да ги изразат своите идеи на најдобар можен начин. Во ателјето на ЕЛЕНА ЛУКА се чувствува посебна енергија и возбуда, бидејќи сите сме свесни дека се работи за нешто што ќе ги инспирира младите и ќе им даде можност да се истакнат во светот на модата.
- Сметате ли дека ваквите иницијативи како конкурсот кој го организира модниот бренд ЕЛЕНА ЛУКА се позитивни за образованието и развојот на младите?
– Апсолутно. Ваквите иницијативи се од исклучителна важност за образованието и развојот на младите. Тие не само што им овозможуваат на учениците да ги покажат своите таленти и креативност, туку и ги мотивираат да размислуваат надвор од традиционалните образовни рамки. Конкурсот на модниот бренд ЕЛЕНА ЛУКА е одличен пример за тоа како една платформа може да ги поттикне младите да се изразат креативно, да научат нови вештини и да добијат вредно искуство кое ќе им биде корисно во нивната понатамошна кариера. Ваквите проекти создаваат можности за младите да се вмрежат со професионалци и да добијат поддршка за нивниот креативен развој, што е непроценливо за нивната иднина.
- Што конкретно им се нуди на учениците кои избираат да учат за дизајн, има ли услови за практична настава и какви амбиции и знаења тие треба да поседуваат?
– На учениците кои избираат да учат за дизајнот, им се нуди широка палета на знаења и практични искуства кои се клучни за нивниот професионален развој. Нашата програма е осмислена така да ги опфати основните и напредни концепти на дизајнот, од историјата на модата и основите на цртање, до креирање и реализација на свои колекции. Од клучен аспект е и задолжителната практична настава каде учениците освен што ги применуваат своите теоретски знаења во училишната работилница, посетуваат текстилни индустрии и ателјеа. Кога станува збор за амбициите и знаењата што треба да ги поседуваат матурантите кои сакаат да студираат дизајн, тие треба да имаат страст за дизајнот, им се нуди широка палета на знаења и практични искуства кои се клучни за нивниот професионален развој. Нашата програма е осмислена така да ги опфати основните и напредни концепти на дизајнот, од историјата на модата и основите на цртање, до креирање и реализација на свои колекции. Од клучен аспект е и задолжителната практична настава каде учениците освен што ги применуваат своите теоретски знаења во училишната работилница, посетуваат текстилни индустрии и ателјеа. Кога станува збор за амбициите и знаењата што треба да ги поседуваат матурантите кои сакаат да студираат дизајн, тие треба да имаат страст за креативност и уметност, желба за истражување на нови трендови и техники, како и отвореност за учење и усовршување. Основни вештини во цртање и чувство за естетика се голем плус, но најважна е нивната мотивација и желба за напредок. Нашата цел е да ги поддржиме и да им помогнеме да ги развијат своите таленти и да ги подготвиме за успешна кариера во светот на дизајнот.
- Каква е вашата филозофија за дизајнот? Кои принципи ги користите во вашите предавања и наставна програма?
– Мојата филозофија во дизајнот се темели на балансот помеѓу креативноста и функционалноста. Верувам дека секој дизајн треба да биде не само естетски привлечен, туку и да има практична примена која ќе ги задоволи потребите на корисникот. Во мојата работа и во наставата што ја изведувам, нагласувам принципи како што се иновативност и оригиналност каде ги поттикнувам учениците да размислуваат и надвор од рамките, да ја почитуваат традицијата и историјата на дизајнот бидејќи секој нов дизајн е подобар кога е информиран од контекстот на она што било пред него. Дизајнот треба да биде практичен и да ја исполнува својата цел. Ги учам учениците да размислуваат за крајниот производ и како нивниот дизајн ќе се вклопи во секојдневниот живот и ги охрабрувам да анализираат и да критикуваат бидејќи важно е да разберат зошто нешто функционира или не функционира. Во денешно време, од клучна важност е да се создаваат одржливи дизајни. Сакам учениците да размислуваат за влијанието на нивните креации врз животната средина и да користат одржливи материјали и техники. Преку овие принципи, се обидувам да ги подготвам учениците не само за професионалниот свет на дизајнот, туку и да ги направам свесни и одговорни креатори кои ќе придонесат кон подобар свет.
- Што би им препорачале на студентите кои сакаат да се занимаваат со моден дизајн?
– Би им препорачала на студентите да се фокусираат на постојано усовршување на својата креативност и технички вештини, да останат отворени за нови идеи и технологии, и да не се плашат да експериментираат. Важно е да развиваат чувство за естетика и да се учат како да ги претворат своите идеи во функционални решенија. Комуникацијата и способноста да ги разберат потребите на корисникот исто така играат клучна улога. Со трпение, посветеност и желба за напредок, можат да изградат успешна кариера во дизајнот.
Конкурсот на ЕЛЕНА ЛУКА за најдобар дизајн, има за цел да ги поттикне младите талентирани дизајнери да ја покажат својата креативност и визија за иднината на модата, но и да им овозможи можност за професионален развој. Најуспешните креативци ќе имаат прилика да ја видат својата работа претворена во вистинска модна креација, што е голем успех за секој млад дизајнер. Конкурсот ја промовира и поддршката за новите генерации на дизајнери, мотивирајќи ги да се истакнат и да го развиваат своето портфолио.
Учеството на конкурсот е многу едноставно, треба да се достави оригинална скица која е подготвена од младите ентузијасти во ателјето ЕЛЕНА ЛУКА Струмица или по пошта на ул„ Гоце Делчев 104 “со назнака – конкурс ЕЛЕНА ЛУКА со име и презиме, улица и телефонски број.
Ивана Вангелова
Macedonian 
English