Супермоделот Ирина Шајк, облечена во креации на нејзиниот близок пријател, дизајнерот Рикардо Тиши, на сцената на најреномираниот фестивал Санремо прикажа хиперсексуални и неконвенционални комбинации во различни нијанси на црна боја. Од чипка до сјајни детали, со длабоки деколтета и изненадувачки акценти, нејзиниот стил привлече огромно внимание.
Супермоделот Ирина Шајк, која на третата вечер од фестивалот ја поздравија водителите Карло Конти и Лаура Паузини, пристигна на сцената на Санремо 2026 како ководителка на вечерта.
Во долгиот црн чипкан фустан на Рикардо Тиши, со вградени чипкани ракавици и самостојни хулахопки, Ирина откри делови од телото и заблеска со насмевка со која ја поздрави публиката, изјавувајќи колку ја сака Италија. Дури и на италијански јазик го започна вечерниот настан.
Нејзиниот втор изглед, исто така на Тиши, беше подеднакво заводлив и провокативен: црн комбинезон без ништо под него, комбиниран со перјест шешир. Во центарот на нејзината блескава насмевка се истакна мал дијамант, кој ѝ даде уникатен и храбар „бјути“ потпис.
Третата комбинација донесе изненадување: фустан со сјајни детали и длабоко деколте, чија здолниште криеше изненадувачки шарени тонови меѓу наборите на ткаенината. По неколку целосно црни изданија, овој колористички момент ја изненади публиката.
Во четвртото издание, Ирина заблеска во долг црн фустан со висока ролка и златни метални детали на струкот и ракавите, додека грбот ѝ беше откриен до половината.
Што се однесува до убавината, Ирина се стреми кон максимална природност. Како што откри во разговор за „Vogue Italia“, за неа убавината е прашање на самодоверба и едноставност. Шминката и фризурата беа дизајнирани да го истакнат нејзиното лице во најчистата форма, без вештачки ефекти.
Н.Т