Есенската сезона секогаш носи нова модна енергија, топли тонови и потреба за парчиња кои се и удобни и стилски. Токму затоа миди фустаните повторно се во центарот на вниманието.
Тие претставуваат совршен спој помеѓу елеганција и практичност, доволно долги за да ги следат постудените денови, но и доволно лесни за да го задржат чувството на движење и женственост. Миди должината е симбол на софистицираност. Таа визуелно ја издолжува фигурата и се прилагодува на секој тип тело, без разлика дали е во потесен крој или со малку поширока линија.
Во есенскиот период, кога гардеробата преминува од светли кон потопли нијанси, миди фустанот станува вистински сојузник. Комбиниран со чизми, палто или кожена јакна, создава впечаток на небрежна елеганција и самодоверба. Оваа есен трендовите ги нагласуваат природните текстури и меките материјали,плетиво, памук и сатен кои ја следат линијата на телото и го задржуваат топлото чувство.
Принтовите се потивки, но впечатливи,цветови во бордо, маслинесто зелена и теракота додаваат нежност и карактер, додека еднобојните модели во беж, крем и сива носат суптилна елеганција.
Сатенскиот миди фустан останува фаворит за вечерни излегувања, особено кога е комбиниран со кожена јакна и чизми со висок ѓон, спој на нежност и моќ. Она што го прави миди фустанот посебен е неговата способност да се прилагоди. Еден ист фустан може да изгледа сосема различно зависно од тоа како го носиш, со патики изгледа урбано и лесно, со чизми и ремен делува женствено и префинето, а со едноставни аксесоари и природен шминк е идеален за секојдневие.
Во студените утрински часови можете да додадете ролка под него или капут над него и повторно ќе изгледате совршено и складно.
Миди фустанот е повеќе од тренд,тоа е увереување дека стилот и удобноста можат да постојат заедно.
Затоа оваа есен,кога ќе посегнете по нешто едноставно,топло и елегантно,нека тоа биде токму миди фустанот,деликатен потсетник дека понекогаш најголемата елеганција се крие во наједноставните линии.
Macedonian 
English