Кога станува збор за стил со личен печат, Хајди Клум е вистински пример за тоа. Нејзиниот последен уличен стајлинг од Њујорк е совршена модна инспирација за сите кои сакаат да изгледаат шик, без да ja жртвуваат удобностa.
Во неодолива комбинација од долг твид капут, остри чизми со потпетица, и класична чанта од Шанел, Клум покажа дека со добар моден избор, секојдневниот изглед може да изгледа ексклузивно. Но, она што навистина го привлече вниманието беа фармерките со екстра широки ногавици – во темна, елегантна нијанса која внесува доза на софистицираност дури и во најлежерниот аутфит. Со својата линија и динамичен волумен, тие создаваат силуета која визуелно издолжува и внесува модна храброст во секој чекор.
Широките фармерки се задолжителни за оваа сезона – удобни како тренерки, а стилски како дизајнерски модел. Овозможуваат леснотија во движењето, не го стегаат телото и изгледаат фантастично и со едноставни маички и со интересни парчиња како кашмирски блузи или сатенски кошули.
Хајди Клум со ова свое издание уште еднаш нè потсети дека стилот е избор што кажува „ова сум јас“ – со став, со слобода и со стил.
Macedonian 
English