Хејли Бибер уште еднаш докажа дека е модна икона, трансформирајќи ги обичните хеланки во софистициран изглед со еден едноставен, но впечатлив избор на обувки. Наместо нејзините препознатливи гломазни патики, оваа недела во Лос Анџелес, Бибер избра елегантни балетанки со еластични ремчиња.
Овие балетанки, се модерна верзија на класичните балетски чевли. Направени од мекa црнa кожа и дополнети со еластични ремчиња, тие совршено се вклопија со нејзините црни хеланки и кожен мантил, создавајќи минималистичка, но софистицирана комбинација.
Оваа замена за патиките не е само удобна, туку и визуелно импресивна, што ја прави идеална за секојдневни активности, но и за моменти кога сакате да внесете елеганција во лежерните комбинации. Балетанките со еластични ремчиња се совршен избор за сите што сакаат да ги носат хеланките како дел од секојдневната облека, но на повисоко модно ниво.
Инспирирајте се од стилот на Бибер и пронајдете го вашиот совршен пар балетанки. Без разлика дали ги носите за на кафе или за прошетка низ градот, тие ќе додадат допир на елеганција во вашиот изглед.
Macedonian 
English