Вчера вечерта се одржаа престижните награди „Тони 2026“ во легендарната сала „Радио Сити Мјузик Хол“ во Њујорк, а домаќин на свеченоста беше пејачката и текстописец Пинк. Како и секоја година, настанот ги прослави најдобрите продукции и најистакнатите изведувачи на актуелната бродвејска сезона.
Пред да бидат доделени наградите и пред публиката да ужива во спектакуларните музички настапи, ѕвездите продефилираа по црвениот тепих во впечатливи и гламурозни изданија. Најдобро облечените гости оваа година беа токму оние кои се потпреа на безвременскиот сјај и елеганција што традиционално ги одбележуваат наградите „Тони“. Меѓу нив се истакнаа Маја Рудолф, Кол Ескола и Адриен Броди, кои беспрекорно ја доловија атмосферата на вечерта.
Ѕвездата на претставата „Oh, Mary!“, Маја Рудолф, избра софистициран фустан од модната куќа Шанел со раскошно украсен изрез, директно од колекцијата есен 2026. Додека таа се одлучи за суптилна и елегантна појава, некои од присутните се насочија кон поекстравагантен пристап.
Таков беше случајот Кол Ескола, којa се појави во впечатлив сатенски костум во силна розова нијанса, дизајниран од Кристофер Џон Роџерс. Двајцата заедно позираа и на црвениот тепих, привлекувајќи големо внимание.
Сара Полсон блесна во романтичен фустан на Ердем во комбинација од розова, бела и црвена боја, дополнет со каскадни машни на рамениците. Обри Плаза понуди префинет моден момент за трудници во елегантен фустан на Шанел кој нежно ја нагласуваше нејзината бременост.
Меѓу најдобро облечените мажи се најде и Лесли Одом Џуниор, кој носеше беспрекорно кроен стајлинг од Public School, комбинирајќи класичен костум со црвена бомбер јакна за модерен и неконвенционален изглед.
Актерот Даниел Редклиф, номиниран за претставата „Every Brilliant Thing“, се истакна со една од најсвежите модни одлуки на вечерта, костум во небесно сина нијанса од Тод Снајдер.
„Тони“ започна со доделувањето на две големи награди во првите 30 минути и пред гледачите да трепнат, и Џон Литгоу и Лори Меткалф ја освоија третата награда „Тони“ во своите кариери.
Литгоу ја освои наградата за најдобра изведба од актер во главна улога во претставата „Џинот“, за неговото толкување на контроверзниот, сакан британски автор Роалд Дал.
Победата на Литгоу, беше далеку од сигурна. Тој беше во конкуренција против Натан Лејн во најпопуларната претстава во сезоната „Смртта на трговскиот патник“, а многу облози за победата сигурно беа ставени на вториот.
По „Смртта на трговскиот патник“ од Артур Милер, која освои шест награди, вклучувајќи ја онаа за режисерот Џо Мантело и онаа на Лори Меткалф за најдобра главна женска улога во драма и нејзина трета во кариерата, следува „Шмигадун!“, „Изгубените момчиња“ и „Регтајм“ со по четири награди.
„Шмигадун!“ и „Изгубените момчиња“ влегоа во церемонијата со најголем број номинации — по дванаесет — и ја завршија вечерта со по четири освоени награди. „Шмигадун!“ ја освои и најпрестижната награда за најдобар мјузикл.
Четири награди освои и „Рагтајм“, кој беше номиниран единаесет пати и триумфираше во категоријата најдобра преродба на мјузикл.
„Ослободување“ ја освои наградата за најдобра драма
Наградата за најдобра драма му припадна на „Ослободување“, но тоа беше единственото признание што го доби ова дело.
„Мачки: Балот на Џеликл“ влезе во трката со девет номинации и освои три награди. Меѓу нив и онаа за костимографката и активистка Квин Џин која влезе во историјата на доделување на наградите Тони, станувајќи првата отворено трансродова личност која ја добила престижната театарска награда. Џин беше наградена за најдобар дизајн на костими за мјузикл за нејзината работа на „Мачки: Болот со желе“.
Дел од гостите и наградените:
