Кога станува збор за црвениот тепих, малкумина успеваат секое појавување да го претворат во моден спектакл како Зендаја. На европската промоција на новиот филм Spider-Man: Brand New Day, актерката уште еднаш покажа зошто важи за една од најдобро облечените ѕвезди на денешницата.
За ова појавување, Зендаја избра впечатливо издание од Александар Меквин. Комбинацијата вклучуваше проѕирен црн мини фустан украсен со сребрени везови и цветни детали, над кој беше носен драматичен долг капут со светкав финиш и сатенски ракави.
Целиот изглед беше истовремено романтичен, мистериозен и авангарден, токму она по што модната куќа е препознатлива.
Зад стајлингот повторно стои нејзиниот долгогодишен стилист Ло Роуч, кој уште еднаш докажа дека знае како секој изглед да го претвори во тема за разговор.
Изгледот беше заокружен со елегантни црни салонки, дијамантски накит и фризура со „wet look“ ефект, додека шминката остана природна и софистицирана, дозволувајќи облеката да биде во центарот на вниманието.
Модните критичари веднаш го вброија ова издание меѓу најуспешните на актуелната промотивна турнеја за филмот. Иако Зендaја во изминатите денови носеше неколку различни впечатливи комбинации, токму овој стајлинг се издвојува по драматичната силуета, вниманието кон деталите и препознатливата доза на театарска естетика.