Добредојдовте во царството на желбите. По две години реновирање, Dior ги отвори вратите на славната куќа на адресата 30 Montaigne.
Исклучително место, кое е повторно измислено за да ги комбинира сите можни искуства – од величествена бутик-продавница, преку ресторан под водство на Жан Имбер, па сè до луксузен апартман, Еденски градини и, конечно, галерија. Вистински остварен сон.
Сон за историјата на модната куќа, која конечно доби храм посветен на својот основач Кристијан Диор и неговите наследници – од Ив Сен Лоран преку Марија Грација Киури па се до Џонатан Андерсон.
Историјата на куќата Dior е раскажана во 13 поглавја
Во сценографски круг создаден од Натали Криниер, кој се протега низ вкупно 13 простории, приказната за модната куќа се одвива пред очите на посетителот.
Меѓу највпечатливите моменти се импресивните реконструкции на канцеларијата на господинот Диор.
Иконичните креации и ретките архиви- како шишенцето на Miss Dior во форма на малтешкиот бигл Боби, создадено специјално за божиќните празници во 1952 година, или морско-сината вечерна фустана на принцезата Дајана, која ја носеше на Met Gala во 1996 година.
Од „Цветните жени“ во Салата на чудата, која наликува на изложба на куриозитети, многумина ќе ги препознаат сценографиите од незаборавната изложба „Christian Dior, couturier du rêve“ во Musée des Arts Décoratifs во 2017 година.
Сè до помпезната сала посветена на вечерните фустани, украсена со магични светлосни ефекти, патувањето низ изложбата е навистина магично. Кафе во Dior-кафулето, кое ве пречекува на крајот од турнејата, е потребно за полека да се вратите во реалноста.
Н.Т