Лондонската модна недела (London Fashion Week) за есен/зима 2026 официјално започна на 19 февруари (вчера) 2026 година, претставувајќи ја британската модна сцена како центар на креативност, иновации и културен дијалог. Настанот ќе трае до 23 февруари и е дел од глобалната модна ротација по Нјујорк, пред Милано и Париз, со многу ревии, изложби и нови таленти.
Крал Чарлс на ревија на Толу Кокер
Еден од најзначајните моменти на отворањето беше пристигнувањето на кралот Чарлс III (King Charles III), кој направи редок фронтолиниски настап на модната недела – повеќе како почетно „крштевање“ на настанот со своето присуство.
Чарлс седеше во првиот ред на ревијата на британско-нигериската дизајнерка Толу Кокер (Tolu Coker), предводечки креативец кој започна со својот бренд по дипломирањето на престижниот Central Saint Martins.
Неговото присуство го следеше контекст на денот- само неколку часа порано, неговиот брат, принцот Ендру Маунтбатен-Виндзор, беше уапсен, а кралот во својот јавен настап ја потенцираше важноста на правниот процес.
Покрај него во престижната публика беа и големи имиња како Стела Мекартини (Stella McCartney) и Лаура Веир, извршна директорка на British Fashion Council.
Ревија на Толу Кокер – „Survivor’s Remorse“
Колекцијата на Толу Кокер за есен/зима 2026 што го отвори шоуто беше инспирирана од нејзините корени и животни искуства од растењето во западен Лондон.
Дизајнот беше повеќе од модна изјава, тој беше културолошка рефлексија на британскиот идентитет преку перспектива на африканската дијаспора, со елементи од традиционалното и современото, во комбинација со структурирани силуети, пастелни тонови и креации кои ја слават личната и социјалната мобилност.
Други значајни моменти на отворањето
На првиот ден од модната недела исто така се случи ревија на Вилијам Костело (William Costelloe) за модната куќа на својот татко Пол Костело (Paul Costelloe), каде тој го одбележа наследството со структурирана кројка, волуменозни блузи и класични елементи како твид и карирани мотиви.
Останати млади и надарени дизајнери како Јошуа Евуси (Joshua Ewusie) се најавуваат како едни од креативните имиња што ќе доминираат на пистите подоцна во неделата, поддржани од иницијативите на The King’s Foundation и NewGen програмата на British Fashion Council.
Лондонската модна недела 2026 не само што ја постави сцената за нови креативни визии и трендови во британската мода, туку и ја спои традицијата со современост: кралот Чарлс III со своето присуство го истакна значењето на модата како форма на културно изразување, додека дизајнерите како Толу Кокер ја истражуваат социјалната историја и иденитет преку нивните ревии.
Н.Т