Во светот на модата малкумина оставиле толку силен печат како легендарниот Карл Лагердфелд. Човекот кој со децении ја обликуваше естетиката на модните куќи како Chanel и Fendi важеше за некој што не само што создава трендови, туку и поставува правила за стилот.
Сепак неговиот најмоќен совет за облекување е изненадувачки едноставен – стилот нема врска со цената на облеката.
Лагерфелд еднаш изјави дека никогаш не треба да се користи зборот „евтино“, затоа што денес секој може да изгледа шик и во достапна облека.
Според него, добар дизајн постои на секое ниво, а вистинската елеганција доаѓа од начинот на кој ја носите облеката. Дури и едноставна комбинација како маица и фармерки може да изгледа неверојатно стилски ако имате став и самодоверба.
Лагерфелд веруваше дека облеката е само продолжение на карактерот. Затоа често нагласуваше дека жените не треба да се облекуваат за да импресионираат други жени или јавноста, туку пред сè за себе.
„Облекувајте се за себе и за човекот што го сакате, ако го има,“ гласеше една од неговите познати изјави.
Оваа филозофија ја направи модата подостапна и помалку оптоварена со правила. Наместо слепо следење трендови, тој промовираше индивидуалност, идеја која и денес доминира на модната сцена.
Тој секогаш велеше дека вистинската тајна е комбинацијата, деталите и самоувереноста со која се носи облеката. Токму затоа неговиот совет е актуелен и денес.