Првата дама Меланија Трамп се појави во впечатливи дизајнерски комбинации при средбата со британското кралско семејство, а сега може да се открие приказната зад нејзината стилска гардероба.
Британскиот крал Чарлс III и кралицата Камила пристигнаа во Вашингтон на четиридневна државна посета, и покрај безбедносните грижи по неодамнешниот обид за атентат врз Доналд Трамп.
Првата дама избра креации од американски дизајнери при средбите со кралското семејство, ставајќи акцент на домашната модна индустрија и големи имиња како Ерик Џавиц и Адам Липс.
Меланија се појави на свечената церемонија за добредојде на јужниот тревник на Белата куќа во белo сако и здолниште од свила и волна од колекцијата Ralph Lauren.
Сакото ја истакнуваше половината со струкиран крој, додека здолништето паѓаше под колената.
Изгледот го комплетираше со сламена шапка со дебела бела лента од Eric Javits, како и салонки од Manolo Blahnik.
Меланија носеше слична шапка од Џавиц, во темно сина боја, и на втората инаугурација на својот сопруг во јануари 2025 година.
Eric Javits е американски луксузен бренд познат по ексклузивни женски шешири, аксесоари и чанти.
Чевлите Manolo Blahnik се дело на шпанскиот дизајнер Маноло Бланик, но брендот стана вистински културен феномен во Америка благодарение на серијата Sex and the City.
Во понеделникот, кога Доналд и Меланија Трамп ги пречекаа кралските гости, првата дама носеше жолт „buttercream“ костим од волнен креп со двојно закопчување, потпишан од Adam Lippes.
Комбинацијата беше дополнета со змиски салонки од Manolo Blahnik, што покажува дека овој бренд е постојан дел од нејзината гардероба.
Корисниците на социјалните мрежи веднаш ја пофалија нејзината модна комбинација.
„Костимот на Меланија од Adam Lippes е едноставно прекрасен, особено на сончева светлина“, напиша еден корисник на X.
„Меланија блеска во тој buttercream костим. Елегантно, класично и 100 проценти американски“, напиша друг.
Ова не е првпат таа да избере жолти нијанси за средба со кралското семејство.
Во септември, Меланија носеше светло жолт фустан со откриени раменици од Carolina Herrera во дворецот Виндзор, каде се сретна со Чарлс, Камила, принцот Вилијам и принцезата Кејт.
Фустанот до под беше надополнет со ремен во јоргован боја, што кај дел од корисниците на социјалните мрежи предизвика изненадување.
Понеделникот не беше првпат таа да носи дизајн од Adam Lippes – истиот дизајнер го избра и за темно-сина и слонова коска комбинација за време на инаугурацијата.
Липс е уште еден американски дизајнер познат по безвременски и елегантни креации.
Меланија и претходно носела модели од Ralph Lauren, вклучително и неодамна за традиционалниот Велигденски настан во Белата куќа.
Легендарниот бренд беше мета на бојкот во 2017 година, кога ја облече Меланија во светло син фустан и соодветно сако за првата инаугурација на Трамп, по што хаштагот #BoycottRalphLauren веднаш стана вирален.
Набргу потоа, други дизајнери како Marc Jacobs јавно изјавија дека немаат намера да ја облекуваат Меланија, а голем дел од нејзината гардероба тогаш наводно била купувана директно од продавници, според CBC.
Но американските дизајнери очигледно го сменија ставот за време на вториот мандат на Трамп, а според Vogue, тоа може да биде резултат на фактот што тој победи и со мнозинство гласови.
„Она што ова значи за модата е дека отвореното спротивставување на конзервативните вредности може да значи отуѓување на голем број купувачи“, наведува Vogue.
Традиционално, првите дами носат американски дизајнери – практика што започнала по Џеки Кенеди, сопругата на Џон Кенеди, која била критикувана за носење европски дизајнери за време на претседателската кампања во 1960 година.
Меланија претходно беше критикувана и поради изборот на европски брендови.
Кога Меланија Трамп зачекори пак на државната вечера заедно со Доналд Трамп, пречекувајќи ги кралот Чарлс III и кралицата Камила, просторијата не го забележа само нејзиното присуство. Таа за миг замолкна.
Облечена во бледорозова тоалета од Christian Dior Haute Couture, Меланија понуди изглед кој на прв поглед делуваше речиси нежно, меки линии, минималистичка силуета и тивка елеганција која не се обидуваше да се натпреварува со раскошот на вечерта.
Но зад таа нежност… се криеше нешто многу помоќно.
Дизајн што зборува без да зборува
Фустанот имаше асиметрично деколте со откриено рамо, скулптурално, а сепак лесно и флуидно, создавајќи совршен баланс меѓу структура и грациозност.
Ткаенината, префинета свила во деликатна делфиниум розова нијанса, нежно се спушташе по телото, додека суптилното драпирање околу половината внесуваше длабочина без да ја наруши чистотата на дизајнот.
Во комбинација со кремасти велур опера ракавици и соодветни свилени салонки исто така од Dior, целиот изглед беше вистинска лекција за воздржаност.
Без тешки украси.
Без светкави одвлекувања на вниманието.
Само прецизност.
И токму тоа ја прави haute couture модата посебна.
Цената што менува сè
Тука приказната добива нов пресврт.
Иако изгледа едноставно, ова не е фустан што може да се купи во продавница.
Како Haute Couture парче, тој е изработен по мерка, создаден специјално за оној што го носи, со десетици, а понекогаш и стотици часови рачна работа.
Според проценките на модната индустрија, тоалетите од Dior Haute Couture најчесто се движат во рамки од 50.000 до над 100.000 долари.
Да! Она што на прв поглед изгледа како „едноставен розов фустан“, лесно може да чини повеќе од луксузен автомобил.
И токму тој контраст ја фасцинира јавноста.
Тивок луксуз… на најгласното можно ниво
Во време кога модата често „трча“ за внимание, Меланија Трамп продолжува да го прави спротивното.
Таа не се потпира на впечатливи принтови или претерани детали. Наместо тоа, се насочува кон она што модните познавачи го нарекуваат quiet luxury или тивок луксуз, каде вистинската порака не е во тоа што веднаш го гледате, туку во она што подоцна го разбирате.
Изработката.
Ексклузивноста.
Цената.
Затоа што понекогаш, најшокантното кај еден фустан… не е како изгледа.
Туку колку вреди.
Н.Т