Модни парчиња што ја одбележаа 2024

Во 2024 година, модата се оддалечи од монотонијата и дефинитивно практикуваше една похрабра, поигрива естетика. Индивидуалноста и храброста беа во фокусот, со трендови што ги освежија нашите гардероби и ги исполнија со креативна енергија.

Во прилог ги одделуваме највпечатливите модни парчиња што ја дефинираа годината која изминува:

Широки фармерки: Враќање во ’90-тите

Широките, лежерни фармерки, инспирирани од скејт-културата на ’90-тите, беа едни од најпопуларните парчиња оваа година. Носени од трендсетерките низ Лондон и пошироко, овие фармерки станаа симбол на удобноста и стилот.

Ретро патики

Модерните ретро патики во 2024 ја донесоа магијата на минатото со свежа, современа естетика. Врзувајќи се за култни дизајни од минатото, тие се истакнаа со нови материјали, живописни бои и одржливи технологии. Овие патики се совршен спој на стил и комфор, идеални за оние кои сакаат да истакнат свој уникатен моден израз.

Радост во деталите

Трендот на додатоци со шарм – мали приврзоци, монистра и играчки – го освоија модниот свет. Потекнувајќи од колекцијата на Miu Miu за пролет/лето 2024, овој стил стана омилен благодарение на неговата разиграност и способност да внесе уникатност во секојдневниот изглед. Независни брендови како Don’t Let Disco и BAG CRAP организираа креативни работилници и понудија сетови за персонализирање на додатоците.

Леопардов дизајн

Животинските шари, особено леопардовата, доживеаја нова ренесанса. Со модни икони како Кејт Мос и познати брендови како Dolce & Gabbana и Dior, леопардовата шема повторно се врати како моќен моден израз.

Преголема кожена јакна

Широките кожени јакни со опуштен крој беа задолжителен дел од гардеробите оваа година. Покрај новите модели претставени на ревиите на Saint Laurent за пролет/лето 2025, уличната мода ги фаворизираше винтиџ парчињата со износен изглед, што додаваат посебен карактер.

Во 2024 година, модата ја истакна убавината на разиграноста и уникатноста, докажувајќи дека трендовите не само што ја дефинираат насоката на нашиот стајлинг, туку внесуваат и радост во секојдневието.

Извор: Vogue.co.uk